Moun' Anghéline

Moun’ Anghéline (°)

Posté le 27 avril 2009

Il y a plus d'un an que les nuages du ciel d'Angéline, de sa maman et de tante Vélina  sont sombres et gris  .  Merci de cet envoi  que nous publions avec respect et admiration .

1 Thyitez me partir asteur Jh' artourne chez nous ôtes O m 'raste jholi'ment d'uvraghe avant que le soulail se leuve 2 Et dau temps vour qu'al dormira moué, jh'apilot'rai des songhes, peur ' quand al duvrira les euils y n' seiyant pus jhameis en pieurs 3 Peur que thiés les si frèdes neuts s'éthiairant au cru dau négue jh'irais pimer au grand lunâ d'allumer le tail dau cieux 4  Peur pouvouére bigher sa goule freiche et câline o faura beun que le soulail teurleuse min-me en pien yiâ . 5 Empour l'entende chantuser les chansounettes des queunailles o convinra d' feire se taiser  tous les bétiaux , tous les oziâs 6 Jh'irai décanigher les anghes feire des espyiques tant qu'o faura Jhe seu çartain qu'y me seugront veni musiquer sus son épale

7 Amprés jhe nous promeun'rons Nous ôtes teurtous, jhe dans'rons en s'tiragnant de par les pougnes et al n'en torchera ses pieurs. 8 Et peur que le jhour achâle et peur que le soulail teurleuse, jhe peinturerons les nuaghes et al n'en athiuch'ra ses pieurs 9 Jh'irons teurcher au thieur des biés, in soulâ d'fieures de boufins que jh'éparerons sus n' ine couvarte peur qu'al se role t'en leu mitan . 10 Amprés jh'irons en l'dare l' soulail  z'y décruchter ine grousse ételle pasque moun' Anghéline est boune pasque moun' Anghéline est fine 11 Anghéline qu'est moun' entend'mant. Anghéline qu'est ma reison d'eite Anghéline qu'est l'ève de mon thieur sait point qu'al peuri m' feire maux 12 A cause qu'Anghéline est thielle que jhe veuri teurjhou conte moué Anghéline  moun' enfant ' aimée ! Anghéline qu'est tout peur moué !!

M .  L - L   Dec 2002